1882 — 25 чэрвеня (7 ліпеня) у фальварку Вязынка Вілейскага павета (цяпер гэта Маладзечанскі раен) у сям’і арандатара Дамініка Ануфрыевіча Луцэвіча нарадзіўся сын Іван.

  1887 — бацька паэта пераязджае з сям’ёй у маёнтак Косіна Барысаўскага павета Мінскай губерніі. Тут Янка займаецца ў вандроўнага настаўніка (дарэктара).

  1889 — сям’я Луцэвічаў пераязджае ў маёнтак Сенніца Мінскага павета на арандаваную ёю зямлю.

  1890 — Луцэвічы пераязджаюць у Мінск. Янка вучыцца ў прыватнай падрыхтоўчай школе.

  1891-1895 — сям’я Луцэвічаў арандуе зямлю ў фальварку Прудзішча Беларуцкай воласці Мінскага павета. Янка вучыцца ў вандроўных настаўнікаў.

  1895 — будучы паэт знаёміцца з Сігізмундам Чаховічам, удзельнікам паўстання 1863 года, якому належала багатая бібліятэка. Тут ён упершыню прачытаў лепшыя творы сусветнай і, у прыватнасці, польскай літаратуры.

  1895-1904 — сям’я Луцэвічаў жыве ў Селішчы Гайна, Слабацкой воласці Барысаўскага павета Мінскай губерніі. 

  У Селішчы жыў цікавы апавядальнік — парабак, які з’явіўся першым настаўнікам і натхніцелем творчасці будучага паэта.

  1898 — у няпоўныя 16 гадоў за адну зіму ён скончыў Беларучскае народнае вучылішча, атрымаўшы адзіны ў сваім жыцці атэстат аб адукацыі. Дзяцінства і юнацтва паэта прайшлі ў працы на сельскай гаспадарцы. “Да 21 года (жыцця) гаспадарыў дома, араў, касіў, сек дровы”.

  1902 — памёр бацька Янкі Купалы, пакінуўшы ўдаву і семярых дзяцей, а праз паўгода ад шкарлаціны паміраюць брат і дзве сястры. Цяжка перажыў Янка Купала гэтую страту. Клопаты аб маці і сёстрах ляглі на яго плечы. Ён настаўнічаў, быў пісарам у Радашковічах, прыказчыкам у Сенненскім павеце, практыкантам і памочнікам вінакура.

  1903-1904 — пачатак творчай дзейнасці паэта. Першы верш ён прысвяціў сваёй сястры ў дзень яе імянін.

  1905 — 15 мая ў газеце “Северо-Западный край” быў апублікаваны верш “Мужык” падпісаны псеўданімам “Янка Купала”. Гэта імя звязана з народным паданнем пра папараць-кветку, якая зацвітае ў ноч на Івана Купалу. “…Калі з’явіўся ў друку мой  верш “Мужык”, я ўжо свядома ведаў як і што мне пісаць”, — так казаў пра пачатак сваёй творчай дзейнасці паэт.

  1908 — паэт пераязджае ў Вільню, дзе працуе супрацоўнікам рэдакцыі “Наша ніва” і бібліятэкарам у бібліятэцы Даніловіча “Знание”.

  1908-1913 — у Пецярбургскім выдавецтве “Загляне сонца і ў наша ваконца” выходзяць з друку зборнікі паэзіі: “Жалейка”, потым “Гусляр” і, нарэшце, “Шляхам жыцця”. Максім Горкі называе верш паэта “А хто там ідзе” гімнам беларускага народа і перакладае яго на рускую мову.

  1912 — паэт упершыню сустракаецца з Якубам Коласам, пад уражаннем ад гэтай першай сустрэчы паэт піша верш “Якубу Коласу”. У гэты ж час з’ яўляецца і першая купалаўская п’еса — камедыя “Паўлінка”.

  1913 — напісаны паэмы :“Бандароўна”, “Магіла льва”, “Яна і я”.

  1914-1916 — рэдактар першай беларускай нацыянальнай штотыднёвай газеты “Наша ніва”.

  1916 — у Маскве ажаніўся з Уладзіславай Францаўнай Луцэвіч.

  1919 — паэт пераяджае ў Мінск на сталае месца жыхарства і з пад яго пяра выходзяць несмяротныя творы: “Раскіданае гняздо”,  “Прымакі”,  “Безназоўнае”, “Курган”, “На куццю” і нарэшце – “Над ракой Арэсай”. .

  1921 — працуе намеснікам загадчыка літаратурна-выдавецкага аддзела народнага камісарыята асветы БССР.

  1922 — завершана камедыя “Тутэйшыя”, Гэты твор прынясе Янку Купалу яшчэ большы гонар і пашану, аднак толькі праз …дзесяцігоддзі. У гэты ж год выйшаў з друку зборнік “Спадчына”.

  1923 — у Вільні выйшаў зборнік “Шляхам жыцця”.

  1924 — выдадзены  зборнік вершаў “Безназоўнае”.

  1926 — Янку Купалу прысуджана званне народнага паэта БССР.

  1928 — на сходзе навуковых супрацоўнікаў і пісьменнікаў абраны старшынёй Камітэта навуковых супрацоўнікаў і пісьменнікаў БССР па абароне Беларускай сялянска-работніцкай грамады .

  1929 — разам з Ц. Гартным і А. Александровічам сустракае на станцыі Негарэлае М. Горкага, які вяртаўся з Італіі.

  1932 — літаратурная грамадскасць Беларусі шырока адзначае 50-годдзе з дня нараджэння Я.Купалы.

  1933 — у “Звяздзе” надрукавана паэма “Над ракой Арэсай”

  1934 — прымае ўдзел у першым Усесаюзным з’ездзе савецкіх пісьменнікаў у Маскве, дзе сустракаецца з пісьменнікамі М. Горкім, А.Фадзеевым, А. Талстым, С. Стальскім.

  1935 — прымае ўдзел у рабоце ХI Усебеларускага з’езда Саветаў. Грамадскасць шырока адзначае 30-годдзе творчай дзейнасці паэта.

  1937 — прымае ўдзел у складзе дэлегацыі беларускіх пісьменннікаў у рабоце V пленума Праўлення ССП СССР у Тбілісі, прысвечанага 750-годдзю паэмы Шата Руставелі “Віцязь у тыгравай скуры”.

  1939 — у складзе дэлегацыі работнікаў літаратуры і мастацтваў БССР прымае ўдзел у вечарах беларускай культуры ў Маскве .

  1941 — у складзе дэлегацыі беларускіх пісьменнікаў прымае ўдзел у Першым з‘ездзе пісьменнікаў у Рызе.

  1942 — 28 чэрвеня, за некалькі дзен да свайго 60-годдзя, Іван Дамінікавіч Луцэвіч (Янка Купала) трагічна загінуў у Маскве. У 1962 годзе урна з прахам нацыянальнага беларускага класіка перавезена ў Мінск і ўрачыста перазахавана на Вайсковых могілках.

​