«Дзіцячы атлас Беларусі. Легенды і паданні»

 

Ці  добра  ведаем  мы  гісторыю  і  геаграфію  нашай  краіны?

​

Далёка  не  кожны  з  нас  адкажа  на  гэтае  пытанне  станоўча. Адкуль, напрыклад,   паходзяць  назвы  ўсіх  абласных  цэнтраў  і  некаторых  іншых  гарадоў  Беларусі, а  таксама  рэк  і  азёр?  З  якімі  знакавым  асобамі  звязаны  пэўныя  мясціны? Якія  архітэктурныя  помнікі  павінен  ведаць  кожны  беларус?   

​

На  гэтыя  і  іншыя  пытанні  можна  адказаць, прачытаўшы  кнігу «Дзіцячы  атлас  Беларусі. Легенды  і  паданні», героямі  якой  з’яўляюцца  не  толькі  міфічныя  персанажы (асілак  Менеск, разбойнік  Машэка, селянін  Добруш, князь  Альшан), але  і  рэальныя  гістарычныя  асобы (Ефрасіння  Полацкая, Кірыла  Тураўскі, княгіня  Рагнеда, князі  Ізяслаў, Уладзімір, Радзівіл  і  іншыя). Кніга  адрасавана  найперш дзецям і дарослым, якія  цікавяцца  гісторыяй  Беларусі  і  любяць  адкрываць  для  сябе  нешта  новае.

 

У бібліятэках Магілева можна прачытаць гэту кнігу.

 

Каб праверыць свае веды, прапануем вам згуляць у інтэрактыўную гульню «Сцяжынкамі Беларусі», якая дапаможа больш глыбока пазнаёміцца з роднай краінай, яе культурай, гісторыяй, прыродай. Гульня  складаецца з  наступных катэгорый: «Строі», «Стравы», «Святы», «Суайчыннікі», «Самыя-самыя», кожная з якіх уключае па 5 пытанняў адной тэматыкі. Клікай сюды.