Сябры!
Любіце кнігу, бо яна – крыніца мудрасці ,
ведаў і навукі, лекі для душы.
Францыск Скарына
Кніга адыгрывае вялікую ролю ў жыцці кожнага чалавека. І ўжо з самага нараджэння і на працягу ўсяго жыцця кнігі ідуць з намі побач, акружаючы сваёй мудрасцю і каштоўнасцю, натхняючы, цешачы, развіваючы і робячы нас дабрэй і лепей.
З кнігай мы вучымся думаць і разважаць, развіваць свой унутраны свет, выхоўваць свае лепшыя якасці, а можа, нават, і прымнажаць іх. Безумоўна - кніга, галоўны настаўнік у нашым жыцці.
Галоўная кніга любога беларуса - вядома ж, беларуская кніга, вытокі якой ляжаць у глыбокай старажытнасці. Родная беларуская зямля выгадавала і ўзгадавала не адну плеяду выдатных пісьменнікаў і паэтаў, якімі па праву можа ганарыцца любы жыхар нашай краіны.
Адлюстроўваючы прыгажосць роднага слова, нацыянальныя традыцыі, лёс і культуру беларускага народа, кніга становіцца галоўнай крыніцай натхнення і гонару за тое, чым багата наша зямля.
21 лютага 2020 года ў бібліятэках горада была арганізавана сеткавая акцыя «#БУКЛУК_КНІГА_НАТХНЯЕ» - галоўная мэта якой – папулярызацыя беларускай кнігі і прасоўванне чытання цудоўнай беларускай літаратуры.
Прапануем Вам пазнаёміцца з работамі ўдзельнікаў нашай акцыі і атрымаць асалоду разам з намі.
1 месца – Лапаціна Таццяна «На ростанях»;
2 месца – Юлія Капітонава «Палескія рабінзоны», Галіна Пярун «Прыгоды сяброў і парады ад Усімдапамагайкіна»;
3 месца – Тамара Міхайлаўна Закаблукова – «Птушкі і гнёзды».
Р.S.
Буклук – гэта знятая на фота кампазіцыя, цэнтральным элементам якой з’яўляецца кніга, пры гэтым выкарыстоўваюцца розныя выразныя сродкі, атрыбуты і элементы дэкору, прысвечаныя тэме і настрою здымка.