Інтэграваныя ўрокі – традыцыйная форма мерапрыемства, якая стала адметнай «фішкай» бібліятэкі. Дадзеныя ўрокі распрацаваны не толькі па творчасці народнага пісьменніка Беларусі – Івана Шамякіна, але і іншых беларускіх аўтараў. На працягу многіх гадоў навучэнцы старэйшых класаў становяцца іх актыўнымі ўдзельнікамі.

      Прапануем вам пералік інтэграваных урокаў, магчыма, вы таксама пажадаеце, разам з намі, пазнаёміцца з жыццёвым і творчым шляхам класікаў беларускай літаратуры: І. П. Шамякіна «Сэрца на далоні часу», І. П. Мележа «Палескай зямлі волат», Я. Янішчыц «Чароўная кветка беларускай паэзіі», Ул. Караткевіча «Рыцар зямлі беларускай», В. Быкава «Святло далёкай зоркі», Я. Коласа «Не змоўкне голас песняра», Я. Купалы «Паэт беларускай зямлі», А.В. Пысіна «А памяць незабыўна плешча ў сэрца».

          У праграме ўрока:

• літаратурная гадзіна «Чалавек вялікай душы і таленту»;

• прагляд фрагментаў з мастацкіх фільмаў, знятых па творах пісьменнікаў;

• праслухоўванне любімых музычных кампазіцый аўтараў;

• чытанне вершаў і ўрыўкаў з твораў аўтараў вядомымі дзеячамі Беларусі;

• віртуальнае знаёмства з музеямі аўтараў;

• прагляд дакументальнай стужкі «Гэта мы», пра жыццёвы і творчы шлях пісьменнікаў.